GRING ACHE U SECKLE
I bi als Baby scho dür d Wohnig grennt
U ha nie ufe Schoppe gwartet
U alli, wo mi guet hei kennt
Sy fasch düregstartet
I bi immer i Bewegig gsy
I ha mi nid la schtille
U alli sy sech einig gsy
Das Chind, das hett e Wille
"Das Chind isch doch es Louftalänt
Das Chind wird mal e Star"
Gring, Gring ache u seckle
Was i dr Wält louft, geit mer am Füdle verby
Gring, Gring ache u seckle
Bi de Wettkämpf hani dr Papi derby
Gring, Gring ache u seckle
I bi scho gäng e Schnälli gsy
Im Mukiturne hei sie gseit
I syg e düredräiti Bräme
Es düeg ne würklech schampar leid
Aber i sygi gar nid z zähme
My Père hett mer e Chance gä
Süsch düeg i überborde
Er hett sech d Hoffnig nid la nä
I brächi all Rekorde
"Das Chind isch doch es Louftalänt
Das Chind wird mal e Star"
Refrain
Ir Schuel bin i ke Lüchte gsy
Ha nid lang möge sitze
Ha dänkt, wie schöns doch chönnti sy
Weni chly dörfti schwitze
Ha nume no a ds Training dänkt ...
Hanes Ziel vor Ouge gha ...
Im Läbe wird eim gar nüt gschänkt ...
Aber i wirds schaffe - ja!
Refrain