6. Szene
|
Konditionstraining | |
Basketballteam stürmt prellend und lärmend herein. Trainer Kaltenrieder erwartet sie auf Krücken gestützt. |
||
Kaltenrieder | mit deutschem Akzent. He Bube, Was söll das sein? Was isch des für ein Chaos? I sag euch eins: I mag mich nit ärgere! I ha extra die Operation verschobe wege dem Match. Darum erwart i vo euch volle Ysatz! Weg mit de Bälle! Jetzt kommt was für die Kondition. | |
Adrian | Ou, nid scho wider! | |
Kaltenrieder | Adrian, du bisch grad der Recht! Am Frytig Obe im Castello umesuuffe. I ha di mit eme Bier gesehe! Und dich au, Luigi. Wollt ihr eigentlich mit eme Bierranze in die Nationalliga ufstyge? | |
Luigi | mit Italo-Akzent. Isch jo gar nid wahr. Hani gha an Ovo. | |
Kaltenrieder | So Ruh! Jetz mache me was für die Buuchmuskle! 200 Rumpfbeuge - und ohne dumms Gschwetz! Wenn ich zrückkumm, sind alle fertig. Ich muss schnell de Verband wechsle, es süderet wider ... | |
Kaltenrieder humpelt hinaus. Die Basketballer beginnen mit ihren Übungen. Wenn sie sprechen kurzer Stopp bei den Übungen. |
||
Marc | Würde gschyder chly ar Technik schaffe. | |
Pascal | Schliesslech müesse mer Chörb mache, nid ane Mister Universum-Wahl! | |
Mario | ebenfalls mit Italo-Akzent. Ise doch gut! Git e so ne Waschebrettebuuch... | |
Luigi | Rimini... belle ragazze. Aui luegä, numme wege Waschebrettebuuch! | |
Pascal | He, wo isch eigentlich am Kalterieder si Liebling? | |
Adrian | äfft Kaltenrieder nach. Das verstahsch du nid, Pascal. Der David bruucht e spezielles Trainingsprogramm! | |
Luigi | Speziale programme... mit belle ragazze! | |
Marc | Meinsch, dä heig no Zyt für Froue, i gseh ne ömu ou chum meh. | |
Pascal | Aber dasch doch di beste Fründ. | |
Marc | Ja, mal gsy. | |
Mario | Un jetze? Ise fertig? | |
Marc | Ja, wenn er nie meh aalütet. | |
Luigi | Nie meh? Macht eine Rumpfbeuge. Sau(h)und! | |
Mario | Immer numme schoni Gorbli magge i de Matsch, aber bi di Training immer spat. | |
Luigi | Oder kunnt er gar nid. Tutta la notte magge Training mit de belle ragazze... | |
Mario und Pascal lachen schmutzig | ||
Marc | Vergiss es, dr Dave und Froue. | |
Adrian | Sit däm er ir Nati isch... | |
Marc | Das haltet doch keni us! Dä Typ dänkt ja nume no a si Karriere. Dä Typ isch jitz so stier worde. E sone verbohrete, ehrgyzige, fanatische Ego... | |
David erscheint | ||
David | Tschou zäme! | |
Marc | schaut ertappt und leicht verlegen aus der Wäsche. Ego... i go... i go mal go schiffe! Geht ab. | |
Adrian | I chumen o. Schliesst sich an. | |
Pascal | I o grad! Ebenso. | |
Luigi | 97 ... 98 ... 99 ... 200. Geht auch. | |
Mario | Wart, i gummen o. Zu David. Ciao. | |
Luigi und Mario gehen zusammen ab. Kurze Instrumental-Version der Ballade "Zyt für d Liebi" erklingt. David bleibt allein zurück, nimmt seine Sporttasche und bewegt sich in sich gekehrt Richtung Ausgang, wo Annett auf ihn wartet. | ||