2. Szene
|
AmacaBar | |
Kiffergruppe lümmelt leicht provokativ um einen Tisch herum, Mona putzt die Bar, leert etwas angewidert die Aschenbecher. |
||
Philipp | Was weimer mache? | |
Fabian | Schlah du öppis vor. | |
Philipp | Mir isch glych. | |
Marianne | Warum fragsch de? | |
Philipp | Me chönnt doch mal öppis angers mache. | |
Marianne | Was angers mache? | |
Philipp | Eifach chly angersch als süsch. | |
Fabian | Wei mer go flippere? | |
Philipp | Schisst mi aa. | |
Ursula | Zersch seisch: was wei mer mache? De ischs dr glych u jitz schissts di aa! |
|
Philipp | Me chönnt mal anen angere Ort. | |
Fabian | Was go mache? | |
Philipp | Weiss doch nid. | |
Marianne | Aber dusse schiffets. | |
Fabian | De blybe mer halt hie. | |
Alle schauen dumpf in die Runde. | ||
Philipp | Was wei mer mache? | |
Marianne | Jitz faasch scho wider a! | |
Fabian und Ursula fassen sich an den Kopf. | ||
Hanspeter | Dräie mer no eis? | |
Marianne | Dasch e gueti Idee! | |
Philipp | Mau öppis angers. | |
Ursula | Läck hesch du Fantasie! | |
Hanspeter | Ja, Ursle, me macht was me cha. Beginnt Joint zu drehen. |
|
Mona | schaut in Richtung Kiffertisch. Weit dr no öppis trinke? |
|
Fabian | Nei sorry, i bi huere abbrönnt. | |
Hanspeter | Gits e Rundi ufs Huus? | |
Mona | ironisch. Ja, immer bi so guete Chunde. | |
Hanspeter | Ja, s chönnt ja sy | |
Mona | überdeutlich. 's chönnt o sy, dass i scho hundert Mal gseit ha: Kiffen nicht hier - Kiffen draussen |
|
Hanspeter | Hesch wider dini Tage? | |
Fabian | Oder isch Vollmond? | |
Ursula | He loset Lüt, nume ke Stress! | |